Online Competition - January 2022

Baie mooi beligting op hierdie Ibis. Die Ibis is mooi skerp - snawel, oog en in die vere. Vere (witte) is nie uitgebrand nie en agtergrond mooi uit fokus. Om hoer punt te kry - dalk bietje aksie met bek oop en/of besig om te vreet of dalk vlerke oopgesprei reg om op te styg

Foto vertel n mooi storie. Bietjie oorbelig.

Dit is n pragtige foto wat met die eerste oogopslag aandag trek. Die beligtig is perfek wat tot die trefkrag van die foto bydra.

Interessante foto. Te veel agtergrond. Om die vlerk kan die verwerking beter wees.

Oulike foto met die besies en die by. Die by kon bietjie skerper gewees het.

Die valk is oog en snawel-gedeelte is mooi skerp en die beligting is goed hanteer. Die vere in die nek vertoon effens uit fokus wat vir my so bietjie afbreek aan die foto doen.

Mooi sagte pastel pienk kosmos blomme. Agtergrond mooi uit fokus. Goeie komposisie met skerpste blom op 3e. Die uit fokus blomme trek die aandag af en dit word vererger deur die wit druppel onderaan die kosmos blom aan die linker kant.

Mooi foto. Die refleksie en beweging van die water dra by tot die storie. Foto kan dalk bietjie ligter.

Baie potensiaal in die foto. As jy nouer crop om die lovebug sodat dit net die bruin gedeelte van die boomstam wys, sou die foto n baie goei punt kon behaal het.

Mooi toneel waar hierdie trop buffels na iets staar. Hulle lyftaal dui aan dat hulle nie gemaklik met die situasie is nie, wat die drama in die toneel skep. Agtergrond werk goed want dis "sag", maar dui steeds die omgewing aan. Die vignetting in hierdie foto benadeel eerder die foto as om te help met meer fokus op die buffels. Die vignetting in veral die hoeke van foto is steurend en trek die kyker se aandag af.

Pragtige foto. Hou van die effek met die sterre. Sou bietjie meer detail in die swart deel wou sien.

Mooi lyne raakgesien wat sorg vir n mooi foto. Die foto vertoon effens skuin, moontlik weens die hoek waaruit jy geneem het. As die brugpilare dieselfde aan die linkerkant vertoon as aan die regterkant sou die foto n hoer punt kon kry.

Jy het besluit om die sonneblom af te neem ons sien nogal heelwat sulke verdwaalde sonneblomme die tyd van die jaar langs die pad. Die enkel sonneblom en die treinspoor het jou getrek - dis baie goed raak gesien. Om te verbeter vir n hoer punt: 1 Die sonneblom is nie skerp nie - nie behoorlik in fokus nie. 2 Die ligtoestande was nie optimaal nie - sommige plekke op die blare is uitgebrand. 3 Jy kon dalk nog effens laer afgesak het vir n ander probeerslag, maar hierdie hoek werk ook nie te sleg nie. Dis n baie goeie probeerslag